كشفت الفنانة المصرية نرمين الفقي، عن سبب عدم زواجها حتى الآن، مشيرة إلى شروط وضعتها من أجل الزواج.
وقالت نرمين، إنها لا تتفق مع مقولة "الرجل يطفي الست"، وأضافت: "الراجل الصح مع الست الصح بيحليها وبيصغرها، وبيخلي نفسيتها مرتاحة، لأنه من الصعب الست تعيش ست وراجل في نفس الوقت، وأنا للأسف بعيش ست وراجل بعمل كل حاجة وبدخل في كل حاجة ودي حاجة مرهقة جدا".
وتابعت: "عمري ما قفلت قلبي وكل واحدة فينا عندها الأمومة والأنوثة، ولكن لما يجي ابن الحلال اللي يقدر يخيلها تقدم على الزواج؛ لإن الواحدة لما تشتغل وتنجح بتكون عاوزة راجل قوي وجامد، تتسند عليه علشان تخلع رداء الرجولة ولا تبقى سوى امراة".
وكشفت أنها تتلقى العديد من عروض الزواج، وقالت: "بيجي لي عرسان ولكني لا أعطي الفرصة لمقابلة الأشخاص كثيرا، وفي الآخر ده رزق هيجي هيجي بإذن الله".
وعن مواصفات زوج المستقبل قالت: أن يكون متعلما ومثقفا وابن أصول وأهله مربينه صح، ومتدين مش مجرد كلمة علشان يقدر يحافظ عليا ومش متدلع ولا سليط اللسان".
من ناحية أخرى، تحدثت نرمين عن رأيها في عودة حلا شيحة للتمثيل مرة أخرى، قائلة، "أنا بحب حلا سواء تعتزل أو تقعد في البيت أو تتحجب، أنا بحبها على الصعيد الإنساني لإنها لطيفة ومتصالحة مع نفسها".
Day
Sunday
Publish date
Publish time
11:14 PM
Author
متابعات